بصدقِكْ

 ahmad

أحمد يوسف

…وبصدقِكْ
وبكذّب ليالي العذاب
وبشم عطر رجوعك بقلب الكتابْ
بنسى الثواني العشتها
بغيبتِك
والبابْ لمّا ودّعِكْ
وزخّ الشتي
وعيني اللي خدتيها معِك
تاضلْ فيها أقشعك
بتنفّس الريحْ اللي بقيت مطرحِكْ
بغمر خيالك عالبعد
وبجنّ حتى رجّعِك
قلبي كسر غصن الجفا
وعربشْ على خيوط الدني
تا يضلْ يحرس طلتكْ
يفرش من غيوم السما
شرشف ليحمي رجعتك
بحبّك أنا فراشي
تلمْ الشهد عن وجنتك
زهرةْ ربيعْ
تقطفْ جنا مي الورد من بسمتك
كركةْ عبق
تعصرْ عتب من كرمتك
بشربْ على غيابك متلّت غمرتك
مشتاقْ كحّل غيبتك
بعودتك
مشتاق أقرا همستكْ
خلّي الوفا يغطي الدراجْ
اللي مني سرقتك
ناطر على باب النوى
يفتح ذراعو ويحضنك
ناطر على الشباك
يرجّع غناني ضحكتك
ندمان كيف تركتك تروحي
ما كنت عارف غربتك
أخدت معا روحي
ياللا ارجعي
من غيبتك متل الحمام
وخلي على عرزالنا
يغطّ السلامْ
وتا ترجعي
بقطفْ من عيون القمر
كمشة أملْ
وفرشي من غيوم الغفا
وبحط حدّي طلّتك وبنامْ

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s