بعدْنا زغارْ

 Najwa

 

تروكْ العمرْ

يخبِّرْ حكاياتو

لَ كومةْ ريشْ

زهقتْ من السّما

لَ غصونْ

زنودا تاكيهْ

عَ كتافْ شي ساقيهْ

شفافا تعباني من المشيْ

عَ شفافْ حجارا

عيونا دبلاني من الحكيْ

لَ قمارْ ما ضحكتْ زرارا.

تروكْ المزحْ والجَدّ

بعدنا زغارْ

قلامي بتحبّ الشيطنيْ

وراقك كتارْ .

لا تفكِّر عم بنطرْ

أفكارك تستوي

بيعصرني طعم الحصرمْ

ولا بقبل نظراتك تلتوي

مخبيتلك أنا

ألوان السِّحرْ

ألوان الحبرْ

من قبل ما تشوفا

عيون الدّني .

ها سّاعه لّي بايدكْ

عقاربا مسمّيْ

شلحا بقا عنّكْ

لبسني ع زندكْ

حاجي تدورْ

مع هل إبري

بمطارحْ مئزيهْ

سافرْ بعينيهْ

حلّي ميّة البحورْ

رقّص البخّورْ

دوِّب كمشاتِ الحَلا

عَ مدبحْ عيوني صَلا .

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s