ستّي

Elias ZGHEIB

الياس زغيب

طلعوا عَ سطح البال تَ يدرّوا القمح

ستّي وإيدَيها،

وجارنا لْ إسمو الهوا…

كان السَّجَر بي صدر هالغيمه رمح

كان الوقت عنقود حصرم..

واستوى!

 

مجايل كنت مع زهرة التّفّاح

يمكن بزيدا كم تطليعه؟

وتهبّ نسمه عا غصن مرتاح

شعراتنا تمشّط بِصابيعا

 

وأمرق عَ غمرا بأوّل القدّاس

وشفافها؟

لقربان صوتا.. كاس

إتناولُن بالعين كلماتا

ورِدّ خلفا المسبَحه..

تا جبهتي تنباس!

 

ستّي لْ ما بعرف لون شعراتا

ضلّت صبيّه طرحتا..

وبفرحِتا؟

يا ألف زلغوطة هنا، ودمعه من الإحساس…

وكلما عَ شبّاك الفيّه

يمرق دوري الصّبح بلهفه

يرشرشلي من عُطرا نتفه،

ويسرح مع أحلامي الخوتا

توعى جروحي… وإسمع صوتا

عم بِتْرِقّ رغيف الصّدفه

عم بِتْهِلّ العمر المارِق

وتقمِّر شمس المَفَارق

بركي سْراج العتم بيطفي؟..

 

وإقعُد حدّا أوقد نار

النّار كبيره…

وإيدي زغيره…

مليانه تراب وشحتار

وهمّي زغيَّر.. عمرو نْهار

تجَمِّر وعد.. وتِحرُق هَمِّي

تَ تستوي مْناقيش الزّعتر

وتْطَعميني سمن وسكَّر…

تسقيني النّخوه والهِمِّه

وساعِة ما تضيَّعني إمّي،

تندهلا: أوعى تهتمّي..

“لِلّو” حَدّي بعدو زغيَّر

عم غنّي لْ “لِلّو” تا يكبَر…

 

*من ديوان “قجّة النسيان”

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s