الميكانيكي

 

Toni

مطانيوس ناعسي

رحت لْعند الميكانيكي
                    قبل الضوّ وكيكي كيكي
استقبلني بالأهلا وسهلا
                  وِتْطَمَّنْ عن مرتي وأهلا
قلتلّو شفلي السيّارَا
                        عَمْ ترجف خربان عيارَا
قلِّي: عا راسي يا خيي
                    بْشفلك ياها، من عينيي
صفّا عَ الجورَا وطفيها
                      وْهلَّق دغري منساويها
وْبلَّش يلعب فيي وفيها
                          وِيدوّرها وِيطفّيها
وِيعفرتها وِيوطّيها
                        وْروحي تطلع، ما يشفيها
وبعد غياب الشّمس نْهارا
                   قلِّي: تا نزبّطلا عْيارا
وْتا يركز ميي بالميي
                      وتْروح الرجفي المئزيي
لازم تطلعلك شي طلعَا
                 كزدر بكرا صوب الضّيعَا
ولمّا سألتو شو بتئمرني
                 قلِّي: العِمْلِي ما “بتهمني”
عْطيني أربع ميّة دودو
                      وْراقبلي زيتا وحدودو
دْفَعتلّو وْسقتا بْلا عيار
                    وْعَقلي عَمْ بيقلِّي: حمار
عَمْ كرفت عا مخترعيها
                   عَمْ إحكي حالي وإحكيها
وْقِلاّ: وْلِي، مش عيب عْلَيكي
             يْرُوح نهاري كلّو هيكي؟!
خَدْتِك عند الميكانيكي
                    قبل الضوّ وكيكي كيكي
وراجع من عندو مسويي
                   طفران ومضحوك عْلَيي
وْبَعدِك يا منحوسي تي تي
                       وْألعَنْ ممّا رحتِي جيتي

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s